مرحبا بك يازائر
 
الرئيسيةالرئيسية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 مدري ( تفو ) مدحه والا شتيمه

اذهب الى الأسفل 
كاتب الموضوعرسالة
الكابتن


avatar

ذكر عدد الرسائل : 19
العمر : 33
  :
تاريخ التسجيل : 02/09/2008

مُساهمةموضوع: مدري ( تفو ) مدحه والا شتيمه   الخميس سبتمبر 04, 2008 9:58 pm





البارحة جاني مـن الحـب مرسـال

من عقب ما بينـي وبينـه خصيمـة



وانا ترى في الحـب مانيـب فعّـال

ولا بعـد ولّـع بقلبـي هشيـمـه



ولا بعد غنّيت فـي ساعـة وصـال

ولا بعد ذقـت الفـراق وجحيمـه



ولا جرى دمعي على الخـد همّـال

ولابعـد جربـت مــرّ الهزيـمـة



حتى وردنـي تالـي الليـل جـوال

وانا على شاهي وبسكـوت ديمـة



الرقم بايخ لكـن الصـوت قتـال

كنه مثل صـوت المذيعـة حليمـة



قالت مساء الخير يـا طيّـب الفـال

قلـت ارحبـي ترحيبـةٍ مستديمـة



بالعود والصفـري ودلـة وفنجـال

واجبك يا بنت الأصـول الكريمـة



ردت بضحكة ثم قالت وش الحـال؟

قلت اشهد إن الحال عقبك سقيمـة



قالت وهي تضحك بعد مثل الأطفال

وانـا بعـد كنـي بدونـك يتيمـة



من يـوم قالتهـا تزلزلـت زلـزال

من فجعتي كنـي مسـوي جريمـة



قلت ارفعي صوتك ترى مابه ارسال

كـذاب لكـنّ المصيبـة عظيمـة



قالت أقول اسمع ترى هرجنـا طـال

ممكـن تصاحبنـي ترانـي وسيمـة



واسمي الحقيقي أول حروفـه الـدال

لكـن يسمّونـي البنـات الزعيمـة



صحيح أحب الفخفخة واعشق المال

لكـن ترانـي طاهـرة مستقيـمـة



ما عندي امغازل ولا (لعب جهّـال)

ما عندي إلا في الشرف والحشيمـة



بس الصراحة قلبي لشوفتـك مـال

واصبحت وحدك جالسٍ في صميمه



فكّر بعقلك واترك القيـل والقـال

واحذر تطيع اهل العقـول العقيمـة



وارسل علي الحين خمسميـة ريـال

أشحن بهـا جـوال أختـي غنيمـة



أو طقم غالي فيه خاتـم وسلسـال

أروح بـه فـي عـرس ولاّ عزيمـة



قلت الحقيقة مانيب رجـل أعمـال

ولانـي بتاجـر والمـوارد عديـمـة



أنا الصراحة شبـه عطّـال بطّـال

وعلاقتـي بالفقـر جـداً حميـمـة



والراتب الله يرحم الحـال مـا زال

محـدود والمصـروف ربـي عليمـه



والدين بـالآلاف والبنـك شغّـال

ياكـل فلوسـي بالربـا والظليمـة



والسوق طايح والغلا ضيّـق البـال

والموت والله صايـر اكبـر غنيمـة



قالت تحمّل بـس والحمـل ينشـال

خلك شديد الباس صلـب العزيمـة



ياخي تصرّف جعلك اتصيـر نشّـال

أهـم شـي إن النوايـا سليـمـة



لابد تفهمني علـى كـل الأحـوال

ما دمت من أهل العقـول الفهيمـة



قلت إيه والله فاهم اللي على البـال

لكن تـرى هـذي علينـا قديمـة



يا بنت هـذا صايـر اليـوم مـوال

للي تبي تلعب علـى ابـن اللئيمـة



يا بنت ما تدرين كـم فيـه محتـال

يلعب على الحبلين وانتـي غشيمـة



يا بنت كم من جاهلة دمعها سـال

من عقب ما جات العواقب وخيمـة



والبنت لا اقفى عرضها بيد الأنـذال

والله مـا يبقـى لهـا أي قيـمـة



قالت تبي ولاّ فخلّك علـى جـال

مهوب ناقصـني نصايـح حكيمـة



عز الله إنك للأسف منـت رجّـال

وانك قليل الذوق ما فيـك شيمـة



يا لعنبو اللي مـا يسطّـرك بنعـال

حتـى يعلمـك الغـزل يـا بهيمـة



( تفو ) عليك وصكّت الخط في الحال

مدري ( تفو ) هي مدح ولاّ شتيمـة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dala5h.own0.com
زائر
زائر



مُساهمةموضوع: رد: مدري ( تفو ) مدحه والا شتيمه   الجمعة سبتمبر 12, 2008 12:16 am

كفو والله

صح لسانك على هيك ابيات

بصراااحه مسكته

يعطيك الف عافيه

على هالإبداع

وماننحرم من هالتميز يارب

تقبلي تحياتي


$$ مهايطيه كوول $$
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: مدري ( تفو ) مدحه والا شتيمه   الجمعة سبتمبر 12, 2008 1:45 am

يعطيــــــــك ألف ألف عافيــــــــــــه حبــي

كلمــات غايـــــــه بالرووووووووووعه


دمتـــــــي بــــود
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: مدري ( تفو ) مدحه والا شتيمه   الجمعة سبتمبر 12, 2008 10:03 pm

Very Happy Very Happy Very Happy Very Happy يسلمووووووووووووووووووووووووووووو على الكلام الحلو


صح لسانك


ننتظر جديدك
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: مدري ( تفو ) مدحه والا شتيمه   السبت سبتمبر 13, 2008 2:33 pm

واسمي الحقيقي أول حروفـه الـدال

لكـن يسمّونـي البنـات الزعيمـة

يعطيك الله الف عااافيه


وتسلمين على ابيااات ولا اروع
الرجوع الى أعلى الصفحة اذهب الى الأسفل
كاسبر ستي
مستدلخ فاصل
مستدلخ  فاصل
avatar

ذكر عدد الرسائل : 115
  :
مزاجي: :
تاريخ التسجيل : 13/09/2008

مُساهمةموضوع: رد: مدري ( تفو ) مدحه والا شتيمه   الأحد سبتمبر 14, 2008 4:31 pm

صح لسانك على الشعر الحلووووووووو




تقبلي مرووري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مدري ( تفو ) مدحه والا شتيمه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ان مجنون ياناس وش اسوي :: وسع صدرك :: فواصــل شعريه-
انتقل الى: